Украина үкіметі әуе апатынан қаза тапқандардың әрқайсысына 200 мың гривен көлемінде ақшалай өтемақы (шамамен 3,158,000 теңге) төлейді, деп хабарлайды РБК.
"Украина халықаралық әуе жолы" компаниясына тиесілі Boeing 737 жолаушылар ұшағының Тегеран маңында құлауы салдарынан қайтыс болған Украина азаматтарының әрқайсысының отбасына 200 мың гривеннен төленеді", деп жазды Украинаның премьер-министрі Алексей Гончарук Facebook-тегі парақшасында.
Ол Украина Министрлер Кабинеті 1999 жылы қабылданған Монреаль конвенциясына сәйкес жасалуы тиіс бұл төлемдердің адам қолына жетуін қадағалайтынын да атай кеткен.
"Мемлекет жан-жақты қолдау көрсетуге дайын, әсіресе құқықтық және қаржылық жағынан. Сонымен қатар, Украина халықаралық әуе компаниясы (UIA) ұжымдық келісімшартқа сәйкес, экипаж мүшелеріне сақтандыру төлемдерінтөлеуі тиіс", - деді Гончарук.