28 қаңтарда Нұр-Сұлтан, Қарағанды және Шығыс Қазақстан облыстарында мектеп сабақтары тоқтатылды, деп хабарлайды zakon.kz.
Елордалық Білім басқармасының мәліметі бойынша, қолайсыз ауа-райына байланысты қала мектептеріндегі бірінші ауысымның 0-11 (12) сынып оқушыларына және 1-2-курс колледж студенттерінің сабақтары тоқтатылды.
Қарағанды қаласының білім бөлімі бірінші ауысымның 0-11 сыныптарындағы сабақтардың тоқтатылатыны туралы хабарлады. Екінші ауысым бойынша сағат 11.00-де хабарландыру беріледі.
Шығыс Қазақстан облыстық білім басқармасының хабарлауынша, Ұлан ауданында (Азовое, Троицкое, Гагарино, Қасым-Қайсенов ауылдары) ұйытқыған боранға байланысты бірінші ауысымдағы 1-4 сыныптардағы сабақтар тоқтатылды.