Ват-сапта Орал қаласына тиесілі нөмірі бар жеңіл көлікпен сиыр тасығандардың видеосы тарап жатыр, деп хабарлайды zakon.kz Мой город басылымына сілтеме жасап.
Мой город редакциясына оқырманның бірі видео жолдады, онда қызыл Форд көлігімен үйдің есік алдына келіп екі жігіт түседі де, арты есікті ашып, тірі сиырды алып шығады. Мұны видеоға түсіріп тұрған әйел басында бұл жайтқа күлгенімен артынан ренжиді: "Мұның не, Ержан, Газелге тиемедің бе" деп жатыр.
Видеоның қай жерде түсірілгені белгісіз, алайда көліктің нөмірі - "07".
БҚО полиция департаментінің баспасөз қызметі бұл видеоға қатысты мән-жайдың тексеріліп жатқанын атап өтті.