Алданған салымшылардың ұжымдық шағымынан кейін Шымкент қалалық полиция департаменті "ESTATE Lombard" және "Гарант 24" ЖШС-ларға қатысты ҚР Қылмыстық кодексінің 217-бабының 3-бөлігі, яғни "Қаржылық (инвестициялық) пирамида құру және басқару" бойынша сотқа дейінгі тергеуді қолға алды, деп хабарлайды zakon.kz.
Шымкент қалалық полициясының мәліметінше, жедел-іздестіру іс-шараларын жүргізу барысында "ESTATE Lombard" ЖШС филиалының директоры ұсталып, уақытша ұстау изоляторына қамалды. Қазіргі уақытта "Гарант 24" ЖШС филиалының директорын ұстау үшін барлық қажетті шаралар қолданылуда.