ҚР Ішкі істер министрі Ерлан Тұрғымбаев 1 наурыз күні Алматы және Нұр-Сұлтан қалаларында өткен рұқсат етілмеген митингтерге қатысты түсінік берді, деп хабарлайды zakon.kz тілшісі.
– Бас прокуратураның бірнеше рет ескертуіне қарамастан, кейбір азаматтар Қазақстанда тыйым салынған экстремистік ұйым жариялаған жерлерде рұқсат етілмеген митингтер ұйымдастыруға тырысты, - деді Тұрғымбаев үкіметте.
Оның сөзіне қарағанда, қоғамдық тәртіпті бұзуды болдырмауға бағытталған шаралар қабылданған.
– 80-ге жуық азамат ішкі істер органдары, полиция органдарына жеткізілді. Профилактикалық әңгіме жүргізілгеннен кейін барлығы дерлік босатылды. Төрт адам әкімшілік жауапкершілікке тартылды. Оның біреуіне айыппұл салынды, үшеуі әкімшілік қамауға алынды. Олардың екеуі – полиция қызметкерлеріне қарсылық көрсеткені үшін, бірі – рұқсат етілмеген митинг ұйымдастырғаны үшін, - деп түсіндірді ҚР ІІМ басшысы.
Фото: Orken Zhoyamergen (RFE/RL)