Түркістан облысындағы Ақмешіт үңгірін белгісіз адамдар өртеп, тонап кеткен, деп хабарлайды "Хабар 24".
Бұл туралы облыстық полиция департаментінің баспасөз қызметі хабарлады. 5 наурыз күні таңертең жергілікті тұрғындардың бірі Ақмешіт үңгірінде тапшандар мен үстелдердің өртенгені туралы полицияға хабарлаған. Сондай-ақ ол бұзақылардың үңгірдегі қазандар мен самаурынды және басқа да заттарды ұрлап кеткенін айтқан. Келтірілген шығын 300 мың теңгеден асады.
Қазіргі уақытта сотқа дейінгі тергеу жүріп жатыр. Полицейлер оқиғаның мән-жайын анықтап, күдіктілерді іздестіруде. Ақмешіт үңгірі Түркістан облысы Бәйдібек ауданында орналасқан.
Жыл сайын мұнда 70 мыңнан аса турист келеді.