Қазақстанның солтүстігінде бір әйел коронавирус туралы жалған хабарлама таратқаны үшін ұсталды, деп хабарлайды zakon.kz.
ҚР Денсаулық сақтау министрлігі Тауарлар мен қызметтердің сапасы мен қауіпсіздігін бақылау комитетінің хабарлауынша, Ақмола облысының тұрғыны коронавирус жұқтырған адамдарды Нұр-Сұлтаннан Ақкөл қаласына ауыстырып жатыр деген жалған хабарламалар жіберген.
Өз туысына аудиохабарлама жіберген 48 жастағы Ақкөл тұрғыны анықталып, қамауға алынды. Негізсіз ақпаратты басқа топтар мен мессенджерлерге көшіріп таратқан күдіктінің туысы да жауапқа тартылады.