Атыраудағы газ құю бекетіндегі өртті сөндіру кезінде төрт адам, оның ішінде екі өрт сөндіруші зардап шекті, деп хабарлайды zakon.kz.
Атырау облысы ТЖД баспасөз қызметінің хабарлауынша, 5 маусымда таңертең Атырау қаласында Атамбай көшесінің бойында "ПромГаз" ЖШС аумағында газ құю кезінде газ сыртқа шығып қалып, Ford автоцистернасының жүк салонында өрт шығып, іле-шала алапат жарылыс болды. Жарылыс салдарынан 60-70 метр қашықтықта орналасқан ғимарат та қирады.
Посмотреть эту публикацию в Instagram
Оқыс оқиға орнына Атырау облысы Төтенше жағдайлар департаментінің 25 қызметкері мен 4 техникасы жұмылдырылды. Сағат 9-58-де өрт сөндірілді. Күйік шалған 4 адам ауруханаға жеткізілді: бекет жұмысшысы, отын тасымалдау көліктің жүргізушісі және Атырау облысы Төтенше жағдайлар департаментінің екі қызметкері - бөлім командирі мен ТЖ-4 бөлімінің өрт сөндірушісі, - деп хабарлады облыстық ТЖД баспасөз қызметінен.
Өрттің шығу себептері мен келтірілген зиян мөлшерін облыстық полиция департаментінің жедел-тергеу тобы анықтайды.
