Нұр-Сұлтанда адвокат Құмар Бердалин адам өлтірді деген күдікпен ұсталды, деп хабарлайды zakon.kz.
Биыл 3 маусымда 1975 жылы 17 қыркүйекте туған Бердалин Құмар Советұлын Нұр-Сұлтан қалалық полиция бөлімінің қызметкерлері ҚР Қылмыстық кодексінің 99-бабы бойынша қылмыс жасады деген күдікпен ұстады. Бердалинге қатысты Нұр-Сұлтанның мамандандырылған ауданаралық тергеу соты 2 айға қамауға алу түріндегі бұлтартпау шарасын таңдады, деп хабарлайды Нұр-Сұлтан қалалық ПД баспасөз қызметі.
Сотқа дейінгі тергеу жүріп жатыр. ҚР Қылмыстық іс жүргізу кодексінің 201-бабына сәйкес, өзге ақпараттар жария етуге жатпайды.
Кейбір ақпарат құралдарында жәбірленуші күдіктінің анасы болған деген мәлімет жүр. Адвокаттыққа дейін Бердалин Бас әскери прокурордың аға көмекшісі, әділет полковнигі болған.
