2018 жылы Мәскеуде қайтыс болған қазақстандық студент қыз Томирис Байсафаның өліміне қатысты жаңа ақпарат пайда болды, деп хабарлайды zakon.kz.
REN TV хабарлағандай, бойжеткенді Дағыстан үкіметінің экс-басшысы Муртузали Меджидовтің ұлы өлтірді деген күдікке ілініп отыр.
Телеарнаның хабарлауынша, ол 28 шілдеде Мәскеудегі Фрунзенская жағалауында ұсталған. Тергеушілердің айтуынша, Меджидов ММШХҚ студенті Томирис Байсафаны ұрып, терезеден итеріп жіберген.
2018 жылы студент қыз 4 қабаттың терезесінен құлап кетті. Бірнеше жері сынған қыз ауруханаға жеткізілді, ол бірнеше аптадан кейін қайтыс болды. Алғашында Томиристің өлімі туралы іс "Суицид" бабы бойынша тергелді. Кейін "Адам өлтіру" бабымен іс қайта жаңғыртылды. Сол кезде қыздың өліміне студенттердің бірінің қатысы бар делінді. Алайда тергеу қорытыныдысы бойынша оның бұл іске қатысы дәлелденбеді.
