Жерорта теңізінің Сардиния жағалауында Қазақстан азаматтары мінген яхта өртеніп кетті, деп хабарлайды zakon.kz.
Euronews.com сайтының хабарлауынша, жағалау күзеті кемедегі 17 адамды құтқарды.
17 адам, оның ішінде сегіз қазақстандық турист және тоғыз экипаж мүшесі бар, олар өз бетімен кемені тастап, жағалау күзеті келгенде басқа қайықта болған, - делінген хабарламада.
Құтқару операциясына жағалау күзетінің екі қайығы мен тікұшақ қатысты.
50 метрлік Lady MM яхтасы Каприден Сардинияға бағыт алған жолда борттан өрт шықққан, деп хабарлайды ANSA итальяндық ақпарат агенттігі.