Қостанайда туберкулезге қарсы диспансердің бас дәрігері мен бас есепшісі сотталды, деп хабарлайды zakon.kz.
2020 жылы 9 қазанда Қостанай қаласының No2 сотының үкімімен мына адамдар сотталды:
- "Қостанай облыстық туберкулезге қарсы диспансері" КММ бас дәрігері Мыржакуповаға параның 50 еселенген мөлшерінде айыппұл салынады, бұл 11 800 000 теңгені құрайды;
- тубдиспансердің бас есепшісі Базылбекова А.С. параның 10 еселенген мөлшерінде айыппұл салынады, яғни бұл 2 360 000 теңгені құрайды.
- "Тас-Фарм" ЖШС өкілі Құрманова параның 20 еселенген мөлшерінде айыппұл төлейді, яғни 4 720 000 теңгені құрайды;
Сыбайлас жемқорлыққа қарсы қызметтің хабарлауынша, бас дәрігер Мыржакупова бас бухгалтер Базылбекова арқылы дезинфекциялаушы заттарды жеткізуде жалпы сомасы 16 570 170 теңгені құрайтын мемлекеттік сатып алу бойынша алты келісімшарт жасасу үшін ЖШС өкілінен келісілген 16,5 млн теңгесінің 236 мың теңгесі көлемінде пара алды (келісімшарттар құнының 10% -ы) деп күдікке ілінді.
