Батыс Қазақстан облысында қаңғыбас иттер тұрғындардың малдарына шабуылдауда, деп хабарлайды zakon.kz Еуразия бірінші арнасына сілтеме жасап.
"Әне бір қара мойын ит қой тістеп тастаған. Аузы қан-қан".
Жаңақала тұрғындарының айтуынша, олар енді балаларын сабаққа жалғыз жіберуге қорқып отыр. Сондай-ақ, мұнда иттерді қамайтын арнайы орын да, био-залалсыздандыру жасайтын мамандар да, құралдар да жоқ. Өңірдің ветеринарлық станциясының директоры биыл 200-ден астам қаңғыбас ит атылғанын хабарлады. Десе де олардың саны көп. Сондықтан тек шағым түскен жағдайда ғана көздері жойылатынын жеткізді.