Таңертең Нұр-Сұлтанның Петров көшесінде құжаттарын тексерейік деп "Hyundai Greta" автокөлігін тоқтатып көрген партуль полициясының қызметкерлері көлік рөліндегі 19 жастағы қыздың масаң күйде екенін сезіп қойды, деп хабарлайды zakon.kz.
Медициналық куәландыру қыздың орташа деңгейде мас екенін растап берді. Жас қыздың үстінен Әкімшілік кодекстің 608 бабы, 1 бөлігі бойынша әкімшілік іс қозғалып кетті, оның автокөлігіне коммуналдық тұрақтың төрінен орын берілді. Әкімшілік сот шешімімен бойжеткен 15 тәулікке қамауға алынып, 7 жылға көлік басқару құқығынан айырылды.
Қалалық ПД баспасөз қызметі жеткізгендей, соңғы екі күнде Нұр-Сұлтанда жол ережесін бұзудың 740-тан астам дерегі анықталды, оның ішінде ішімдікпен ұсталған 23 жүргізуші, жалған нөмір таққан 2 көлік пен жолдан дұрыс өтпеген 62 жаяу жүргінші бар. Коммуналдық тұраққа 32 көлік қамалды.
