Нұр-Сұлтан - Шымкент бағытында көкке көтерілген ұшақ шұғыл түрде Алматыға қонды, деп хабарлайды zakon.kz.
Fly Arystan әуекомпаниясының баспасөз қызметі "Алматы" телеарнасына хабарлағандай, ұшақтың апатты жағдайда қонуына қолайсыз ауа-райы түрткі болған.
2021 жылы 19 ақпанда сағат 08.55-те Нұр-Сұлтан - Шымкент бағытындағы №7325 ұшағы ауа-райына байланысты Алматы халықаралық әуежайына қонды. Шымкентке ұшу уақыты сағат 10: 45-ке ауыстырылды, деп хабарлады баспасөз қызметі.
Әуе компаниясы ұшақтың қауіпсіз жерге қонғанын баса айтты. Төтенше жағдай салдарынан жолаушылардың ешқайсысы зардап шеккен жоқ, алайда жолаушылардың айтуынша, ұшақ Алматыға үшінші рет оқталғанда ғана қона алды.