Қостанай облысында екі джип бетпе-бет соқтығысты, деп хабарлайды zakon.kz.
Облыстық ПД мәліметі бойынша, Қостанай-Әулиекөл тас жолында ірі жол апаты болды.
Қостанай-Әулиекөл тас жолының 69-шы шақырымында Новонеженка ауылы мен Лаврентьевка арасында сағат 16:30 шамасында екі джип (Mitsubishi Pajero және Lexus) бетпе-бет соқтығысқан. Автопатруль мен жедел-тергеу тобы оқиға орнында жұмыс істеп жатыр. Қазіргі уақытта апаттан жеті адам қайтыс болғаны белгілі болды. Толығырақ ақпарат кейінірек беріледі, - деді Қостанай облысы ПД бастығының бірінші орынбасары Негмет Исмағұлов.
Оның айтуынша, Lexus көлігінде үш адам, Mitsubishi Pajero-да жүргізушісімен бірге төрт адам қайтыс болды.
