Ақтөбе маңындағы Бекқұл баба ауылында Жаман Қарғалы өзеніне 5 және 6 жасар бала батып кетті, деп хабарлайды zakon.kz.
Қайғылы оқиға 12 мамырда кешке орын алды.
"Мой город" басылымы атап өткендей, төтеншеліктер келгенге дейін де ауыл тұрғындары 5 жасар баланың денесін судан алып шыққан. Екінші бала іздестіріліп жатыр.
Белгілі болғандай, балалар ересектердің қарауынсыз болған, суға жалаңаш түскен. 00.09-де құтқарушылар 6 жасар екінші баланың денесін су жағасынан 3 метр қашықтықта, 7 метр тереңдіктен тапты, - делінген хабарламада.
Ақтөбе облысының Төтенше жағдайлар департаменті ата-аналарға судағы қауіп туралы балаларына ұдайы ескертіп отыруды және оларды қараусыз қалдырмауды сұрайды.
