Қарағандыда ұрлық жасаған екі құрбы ұсталды, деп хабарлайды zakon.kz.
Polisia.kz мәліметі бойынша, 22 мамырда таңғы сағат 07:30-да Қарағанды қаласы ПБ Теміржол полициясы бөліміне белгісіз біреулер дүкендердің біріне кіріп, ұрлық жасағаны туралы хабарлама түсті.
Куәгерлердің айтуынша, ұрлықты 35-40 жастағы екі әйел жасаған. Олар кассадан 32 мың теңгені, сондай-ақ сабын, темекі ұрлап кеткен. Жедел-іздестіру шаралары барысында полиция күдіктілерді анықтап, ұстады. Олар 36 және 38 жастағы әйелдер болып шықты.
Қылмыскерлер кінәсін мойындап, айғақты заттар алынды. ҚР Қылмыстық кодексінің 188-бабы (Ұрлық) бойынша қылмыстық іс қозғалды. Қазіргі уақытта тергеу амалдары жүргізіліп жатыр.