Бір күн бұрын әлеуметтік желілерде жанармай құю бекетінің төбесіне шығып алған жалаңаш ер адамның сол маңнан өтіп бара жатқандар мен көліктерге маңдайшаның тақтайын жұлып-жұлып лақтырған видеосы пайда болды. Алматы қалалық полициясы бұл ыңғайсыз оқиғаға қатысты түсініктеме берді, деп хабарлайды zakon.kz.
Бұл факт ҚР Қылмыстық кодексінің 293-бабы бойынша сотқа дейінгі тергеудің бірыңғай тізіліміне тіркелді. Қылмыстық істі Әуезов аудандық полиция бөлімі жүргізеді. Күдікті ұсталды, - деп хабарлады Алматы қаласы ПД баспасөз қызметі.
Олар ер адамның мас болғанын атап өтті. Оны медициналық тексеру нәтижесі айғақтады.
Жанжалдың себептері және ер адамныңбұған неге барғаны тергеу барысында белгілі болады, деді полициядағылар.
