Қарағандыда базарда ер адамның неден қайтыс болғаны айтылды, деп хабарлайды zakon.kz.
Қарағанды облысының ПД баспасөз қызметі 9 маусымда Горняк аялдамасынан 33 жастағы ер адамның мәйіті табылған оқыс оқиға фактісі бойынша ҚР Қылмыстық кодекстің 306-бабы, "Қауіпсіздік талаптарына сәйкес келмейтін тауарларды өндіру, сату немесе қызметтер көрсету" бойынша тергеу басталғанын хабарлады.
Сот-медициналық сараптама жәбірленушінің электр тоғының әсерінен қайтыс болғанын анықтады. Қазіргі уақытта полиция қызметкерлері оқиғаның барлық мән-жайларын анықтау үшін қажетті тергеу шараларын жүргізуде, деп хабарлады полициядағылар.
Айта кетсек, 6 маусымда дәл осы маңнан 36 жастағы әйелдің денесі табылған. Сот-медициналық сараптама оның өліміне жүрек ауруы - "кеңейтілген кардиомиопатия" себеп болған деген қорытынды шығарды.
Сондықтан ол әйел де электр тоғынан қайтыс болды деген болжамдар мен қауесеттерге негіз жоқ, - дейді полиция.