Көлік жолаушысы мен полиция қызметкерлері арасындағы төбелестің видеосы әлеуметтік желілерде қызу талқыланып жатыр. Оқиға Маңғыстау облысында болған. Полиция оқиғаға қатысты түсініктеме берді, деп хабарлайды zakon.kz.
Маңғыстауда дәу жігіт полиция қызметкерлерімен төбелесе кетті. Ол полиция тоқтатқан көліктің артқы орындығында отырған. Артқы орындықта отырып, есін жинап отырған. Оған, әрине полицияның өзі мінген көлікті тоқтатқаны ұнамағаны сөзсіз. Ол сыртқа шығып, долдана бастады, оны жеті полиция қызметкері жабылып тыныштандыруға мәжбүр болды. Ер адамға бағынбағаны үшін айыппұл салынды. Жүргізушіге сақтандыру құжатының жоқтығы үшін әкімшілік құқық бұзушылық бойынша жаза тағайындалды, - делінген видео сипаттамасында.
Маңғыстау облысы ПД баспасөз қызметі бұл 8 маусымда болған оқиға екенін растады.
Посмотреть эту публикацию в Instagram
Сағат 21.30-да "Қауіпсіз жол" профилактикалық іс-шарасы кезінде Ақтау полиция бөлімінің патрульдік полиция батальонының қызметкерлері LADA Priora көлігін құжаттарды тексеру үшін тоқтатқан, деп хабарлады полиция.
Көлік жүргізушісінде сақтандыру полисі жоқ болып шықты.
Жүргізушімен сөз жүріп жатқанда көліктен бір жолаушы түсті. Ол өзін агрессивті ұстап, өздерін тоқтатқанға наразылығын білдіріп, жүргізушіні босатуды талап етіп, төбелес бастады.
Мас әрі агрессивті жолаушының заңсыз әрекеттерінің алды алынды. Оған қатысты ҚР ӘҚБтК-нің 667-бабы, "Құқық қорғау немесе арнайы мемлекеттік орган қызметкерінің заңды бұйрығына немесе талабына бағынбау" бойынша хаттама толтырылды. Материал сотқа жіберілді. Автокөлік иесіне қатысты ҚР Әкімшілік кодексінің 230-бабы, 2-бөлігі бойынша әкімшілік хаттама толтырылды, деп хабарлады облыстық ПД.