Оралда әскери борышын өтеп жатқан сарбазға оқ тиіп, салдарынан көз жұмды, деп хабарлайды zakon.kz 24.kz-ке сілтеме жасап.
Оқиға бүгін таңғы сағат 5:30 шамасында болған.
Бозбала жедел облыстық көпбейінді ауруханаға жеткізілгенімен, дәрігерлер оның өмірін сақтап қала алмады.
Әскери бөлім басшылығының мәлімдеуінше, жауынгер өз-өзіне қол жұмсаған. Ол сол түні түзету мекемесінде күзетте болған.
Марқұм – Ақтөбе өңірінің тумасы. Қазір оқиғаға қатысты тергеу амалдары жүргізіліп жатыр.
Жәнібек Сәрсенов, 5517 әскери бөлімі командирінің орынбасары:
– Қарудан өз-өзін жаралады. Әскери қызметшіні аман алып қалу мүмкін болған жоқ. Қазіргі таңда әскери тергеу органдарымен тергеу жүргізілуде. Әзірге басқа ақпарат бере алмаймыз.