Ақтөбе облысында қаңтарулы көлікте өртенген екінші бала қайтыс болды, деп хабарлайды zakon.kz.
"Мой Город" газетінің хабарлауынша, Әйтеке би ауданы, Еңбек ту ауылындағы үйдің ауласында қаңтарулы тұрған, бұзылған ВАЗ-2106 автокөлігі 16 маусымда, сағат 15.00 шамасында өртке оранған.
Оның салонында екі бала ойнап отырған. Өрттің неліктен шыққаны түсініксіз.
Отқа оранған көліктен 7 жасар бала шығып үлгерген, бірақ оның 3 жасар інісі шыға алмай, іште қалып, мерт болды.
Үлкен ағасы 4-дәрежелі күйік алды. Дәрігерлер оның жағдайын өте ауыр деп бағалады. Өкінішке орай, дәрігерлер баланың өмірін сақтай алмады. Ол жедел жәрдемнің көмегімен жеткізілген облыстық ауруханада қайтыс болды, - деп хабарлайды "Хабар 24".