Алматының "Әйгерім-2" ықшамауданындағы Шұғыла мен Түймебаев көшелерінің қиылысында жол апаты болды, деп хабарлайды zakon.kz тілшісі.
Көшелердің қиылысында жол беруі тиіс болған Mercedes-Benz жүргізушісі қиылысқа шығып кетіп, оны су таситын "КамАЗ" көлігі соқты.
Жойқын соққыдан кейін Mercedes-Benz көше бойындағы қоршауды жапырып, үйге соғылса, "КамАЗ" барып ағашқа соғылды. Оның тіпті цистернасы түсіп қалды.
Нәтижесінде Mercedes-Benz-те отырған үш қыз бен "КамАЗ" жолаушысы ауруханаға жеткізілді.