Теміртауда 12 жасар баланы балабақшаның темір қоршауы басып қалды, деп хабарлайды zakon.kz.
Оқыс оқиға жайлы баланың анасы Instagram желісінде хабарлады.
Оның айтуынша, 1 шілдеде сағат 18.30-да бала жаттығуға бару үшін балабақшаның жанынан өтіп бара жатқан. Қатты желдің салдарынан қоршау құлап, баланың үстіне түсті. Қоршау бекітілмеген.
Менің балам өмір мен өлімнің арасында жатыр. Оның шекесі жарылып, бас-сүйектің желке тұсында да зақымы бар, - деді анасы.
Облыстық полиция тергеу шаралары жүргізіліп жатқанын нақтылады.
Аталған факт бойынша полиция қызметкерлері ҚР Қылмыстық кодексінің 277 бабы 1 бөлімі, "Тау-кен жұмыстары немесе құрылыс жұмыстары кезінде қауіпсіздік ережелерін бұзу" бойынша қылмыстық іс қозғады. Қазіргі уақытта тергеу шаралары жүргізіліп жатыр. Тиісті сараптамалар тағайындалды, оның нәтижелері бойынша процедуралық шешім қабылданады, - деп хабарлады Қарағанды облыстық ПД баспасөз қызметі.