БҚО-да жағажайда жалаңаш билегендер қамауға алынды, деп хабарлайды zakon.kz.
18 шілдеде Орал қаласының маңындағы жағажайда демалу кезінде ер адам мен бір бойжеткен қоғамдық тәртіпті бұзды.
Алкогольдік мас күйінде болған ер адам қоғамдық ортадағы әдеп пен тәртіпті ысырып қойып, басқаларға құрметсіздік танытып, көптеген адамның ортасында жалаңаш билеген, - деді облыстық соттағылар.
Ер адам ӘҚБтК-нің 434-бабы 1-бөлігі , "Ұсақ бұзақылық" бойынша кінәлі деп танылып, оған 10 тәулік мерзімге әкімшілік қамауға алу жазасы тағайындалды.
Бойжеткен бес күн қамауда болады. Сот қаулысы заңды күшіне енген жоқ, - делінген "Мой город" хабарламасында.