Дубай әуежайының ұшу жолағында екі ұшақ соқтығысты: бірі - эмираттық Flydubai , екіншісі Бахрейн Корольдігінің Gulf Air ұлттық әуе компаниясының ұшағы, деп хабарлайды zakon.kz.
РИА Новости әуе компаниялардың баспасөз қызметіне сілтеме жасап, оқыс оқиға 22 шілдеде таңертең болғанын хабарлады. Ешкім зардап шекпеген, бірақ жолаушылар кейінірек басқа рейстерге ауысуға мәжбүр болды.
Дубай халықаралық әуежайынан Бішкек халықаралық әуежайына ұшатын Flydubai әуекомпаниясына тиесілі Boeing 737-800 ұшу жолағында басқа ұшақтың қатысуымен болған кішігірім оқиғаға байланысты 22 шілдеде тұрақ орнына қайта оралды. Жолаушылар басқа рейспен кешірек ұшып кетті. Flydubai бұл оқиғаны тергеу үшін жергілікті билікпен жұмыс істейді, - деді Flydubai әуе компаниясының ресми өкілі.
Өз кезегінде Gulf Air Дубай халықаралық әуежайында өздеріне тиесілі ұшақтың құйрығын басқа бір ұшақ соғып кеткенін растады.