Алматыда, түнгі сағат 1.30 шамасында Момышұлы көшесінен "Автоцон" бұрылысына жетпей жол апаты орын алды, деп хабарлайды zakon.kz.
Toyota Avensis көлігі солтүстік бағытқа қарай жылжып келе жатқан. Түсініксіз жағдайларға байланысты жүргізуші рөлге ие бола алмай, салдарынан көлік сол жақтағы жолды толықтай кесіп өтіп, бордюрге соғылып, ақыры тас жолдан ұшып кетті.
Ұшқан бойда көлік ағашпен соқтығысып, шам бағанын және тағы бір ағашты құлатып, төңкерілген бойда тротуарға сырғи жөнелген.
Апат салдарынан көліктің жолаушысы зардап шекті, басынан ауыр жарақат алып, ол жақын маңдағы ауруханаға жеткізілді.
Жол-көлік оқиғасының барлық мән-жайларын Алматы қаласының жол полициясы зерттеп жатыр.
