5 тамызда түнде Шемонаиха АПБ "102" жедел арнасына Первомайский кентінің тұрғынынан 30 жастағы азаматтық некедегі күйеуі өз-өзіне қол жұмсағысы келіп, пәтерінің 5-қабатынан секірмек ниетте тұрғаны туралы қоңырау келіп түскен, деп хабарлайды zakon.kz ШҚО ПД баспасөз қызметіне сілтеме жасап.
Шақыруға Первомай кенттік полиция бөлімінің учаскелік полиция инспекторы полиция капитаны Сайран Амантайұлы Қалиев және жедел уәкіл Руслан Есімханұлы Қойшыбаев КПБ қызметкерлері жедел жеткен.
Оқиға орнына жеткен полицейлер терезенің сыртында аяғын үйдің қабырғасына ғана тіреп, қолымен терезеден ұстап тұрған ер адамды көреді. Жағдайды көрген полиция қызметкерлерінің бірі ер адаммен келіссөз жүргізіп, оны пәтерге қайта кіргізу үшін темекі сұраған. Келіссөздер нәтижесінде полиция қызметкері ер адамға жақындап, оны ұстап алып, қауіпсіз жерге шығарған.
Белгілі болғандай, жас жігіт мас күйде болыпты, әйелімен жанжалдасып қалып, өзіне қол жұмсамақ болған.
