Ақтөбе облысында бір отбасы мүшелері жол апатынан қаза тапты, деп хабарлайды zakon.kz.
16 тамызда Самара-Шымкент тас жолында Қалабай ауылы маңында ауыр жол апаты болды.
Полиция Nissan X-Trail көлігінің 39 жастағы жүргізушісінің жолдың қарсы бетіне шығып, Volvo FH460 жүк көлігімен соқтығысқанын анықтады.
Оқиға салдарынан Nissan X-Trail жүргізушісі, оның 40 жастағы әйелі мен 11 жасар баласы оқиға орнында алған жарақаттарынан қайтыс болды, 5 жасар ұлы мен 10 жасар қызы ауруханаға жатқызылды, кейіннен 5 жасар баланың да көз жұмғаны белгілі болды, - деп хабарлады облыстық ПД.
ҚР Қылмыстық кодексінің 345-бабы, 4-тармағы, "Абайсызда екі немесе одан да көп адамның өліміне әкеп соққан жол қозғалысы ережелерін бұзу" бойынша сотқа дейінгі тергеу басталды.
