Талдықорғанда автокөлік доңғалақтарын қайта өңдейтін зауыттан өрт шықты, деп хабарлайды zakon.kz.
Алматы облысы Төтенше жағдайлар департаментінің хабарлауынша, оқыс оқиға ескі доңғалақтарды вакуумды жою резервуардағы жарылыс салдарынан болған.
Цехтың үш жұмысшысы зардап шекті. Екі ер адамның жағдайы - орташа, біреуі - ауыр делінеді. Олардың барлығы Талдықорған қаласының көпсалалы ауруханасына жеткізілді, - делінген департамент хабарламасында.
Оқиға орнына облыстық ТЖД-ның 24 қызметкері мен 9 бірлік техника аттанды.
Жарылыстың болжамды себебі балқу кезінде пайда болатын жанғыш заттар контейнерідегі технологиялық процестің бұзылуынан болуы мүмкін, деп атап өтті баспасөз қызметі.