Алматы-Ташкент тас жолының Жамбыл облысы тұсында болған жол апатынан алты адам қайтыс болды, деп хабарлайды zakon.kz.
23 қыркүйек күні, сағат 06:00 шамасында Алматы-Ташкент тас жолының 476-шы шақырымында Байзақ ауданы аумағында Audi A4 және Toyota Camry автокөліктері соқтығысты. Жол апаты кезінде алған ауыр жарақаттарынан алты адам оқиға орнында көз жұмды. Toyota Camry көлігінің екі жолаушысы түрлі дене жарақатымен ауруханаға жеткізілді, деп хабарлады Жамбыл облыстық ПД.
Аталған фактіге сәйкес, ҚР Қылмыстық кодексінің 345-бабы 4-бөлігі бойынша сотқа дейінгі тергеу басталды.
Апат себептері анықталып жатыр, бірқатар қажетті сараптамалар тағайындалды.