Ақтөбе облысында жан түршігерлік жол апаты орын алды, деп хабарлайды zakon.kz.
22 қыркүйекте, сағат 15: 30-да Шұбарқұдық ауылынан Байғанинға қарай жүйткіп келе жатқан Lada Granta автокөлігінің 57 жастағы жүргізушісі (Байғанин ауданының тұрғыны) жолдың қарсы бетіне шығып, тізгінінде 30 жастағы жүргізуші болған МАЗ-712 автокөлігімен соқтығысқан, деп хабарлайды Ақтөбе облысы ПД баспасөз қызметі.
Жол-көлік оқиғасы салдарынан Lada Granta автокөлігінің жүргізушісі алған жарақатынан оқиға орнында көз жұмды.
Бұл дерекке сәйкес, ҚР Қылмыстық кодексінің 345-бабы, 3-бөлігі, "Абайсызда кісі өліміне әкеліп соқтырған жол ережесін бұзу" бойынша сотқа дейінгі тергеу басталды.