Air Astana ұшағы Атырау әуежайына шұғыл қонуға мәжбүр болды, деп хабарлайды zakon.kz.
Әуе компаниясының хабарлауынша, ұшақ Нұр-Сұлтаннан Ыстамбұлға ұшып шыққан.
23 қыркүйекте Нұр-Сұлтан-Ыстамбұл бағытында KC917 рейсін орындаған Air Astana Boeing 767 ұшағы Нұр-Сұлтан уақытымен 19: 11-де әуежайдан ұшып шықты. Техникалық себептерге байланысты ұшақ командирі Атырауға қону туралы шешім қабылдады. Ұшақ штаттық режимде сағат 22: 20-да қонды. Қазіргі уақытта ұшақ тексеріліп жатыр. Жолаушылар қонақүйге орналастырылады және оларды бүгін жергілікті уақыт бойынша 14: 00 -де (Нұр -Сұлтан уақыты бойынша 15:00 - ред.) Airbus A321 резервтік бортына мінгізеді, деп хабарлады Air Astana әуе компаниясының баспасөз қызметі.