Алматының Алатау ауданында түнгі сағат 12-ге таман жол апатынан адам қаза тапты, деп хабарлайды zakon.kz тілшісі.
Боралдай зираты бағытындағы жолмен солтүстік бағытта келе жатқан Mercedes жүргізушісінің айтуынша, алдындағы сайдан қарсы бағытта күтпеген жерден Toyota Avensis атып шықты. Жүк көліктің жүргізушісі оңға қашып үлгермепті, жеңіл көлік тайғанап барып, бүйірімен кабинаға соғылды.
Avensis-тің ішінде жүргізуші ғана болған екен, ол алған жарақатынан оқиға орнында тіл тартпай кетті.
