Жыл басынан бері Қазақстанда адам саудасына байланысты 200 қылмыстық іс тіркелді, деп хабарлайды zakon.kz тілшісі.
ҚР ІІМ Тергеу департаментінің бастығы Санжар Әділов қазірдің өзінде 78 іс сотқа жіберілгенін, ал қалғаны бойынша тергеу жалғасып жатқанын атап өтті. Қазірдің өзінде 26 адам сотталып, үкім шығарылды.
Бұл қылмыстар үшін Қылмыстық кодекстің сегіз бабы бойынша 18 жылға дейін бас бостандығынан айыру және мүлкін тәркілеу көзделген, - деп жауап берді ОҚК-да өткен брифингіде департамент басшысы.
Оның айтуынша, Қазақстан адам саудасының құрбандарының импорты, экспорты мен транзиті болғандықтан, сот шешімі шыққанға дейін шетелдіктердің республикамызда болу мерзімі заңды түрде ұзартылады.
Сондай-ақ, бұл адамдар әкімшілік жауапкершіліктен босатылады. Еңбек немесе жыныстық қанауға ұшыраған мигранттар үшін бұл қолайлы жағдай тудырады, - дейді ол.