Атырау облысында мас ер адам інісінің үйін өртеп жіберді, деп хабарлайды zakon.kz.
Оқыс оқиға 3 қазан күні кешке Жасқайрат ауылдық округіне қарасты елді-мекендердің бірінде болған.
Полицияға хабарласқан арызданушы күйеуінің мас ағасы үй ішіне бензин құйып, өртеп жібергенін айтты.
Үйдің түгі қалмай өртеніп кетті. Бақытымызға орай, үй ішіндегілердің барлығы сыртқа шығып үлгерді, - деп хабарлады облыстық полицияның баспасөз қызметі.
Ұсталған 55 жастағы күдікті өз кінәсін мойындады.
Ол бұған арадағы тұрмыстық жанжал себеп екенін айтты. ҚР Қылмыстық кодексінің 202-бабы, 2-бөлігі, "Бөтеннің мүлкін қасақана бүлдіру немесе жою" бойынша сотқа дейінгі тергеу жүргізіледі. - деп атап өтті департаменттегілер.