Алматы облысында жүргізуші ер адамды қағып, оқиға болған жерден қашып кетті, деп хабарлайды zakon.kz.
Оның видеосы желіде жарияланды.
Облыстық полиция департаменті жол апаты 25 қазанда сағат 20:30 шамасында Талғарда болғанын хабарлады.
Жүргізуші Менделеев көшесінің бойымен батыс бағытта келе жатып, жол жиегіндегі 18 жастағы жаяу жүргіншіні қағып кетті. Жол-көлік оқиғасы салдарынан жаяу жүргінші оқиға орнында көз жұмды. Аталған факті Талғар аудандық полициясында ҚР ҚК 345 бабының 3-бөлігі және 347-бабы "абайсызда адам өліміне әкеп соққан жол қозғалысы ережелерін бұзу" және "ЖКО орнынан кету" бойынша тіркелді. Қазіргі уақытта аталған ЖКО-на байланысты тергеу жүріп жатыр. Сондай-ақ, адам қаққан жүргізуші мен автомобиль іздестірілуде, деді Алматы облысы ПД баспасөз қызметі.
Дайана Тоқберген