Алматы облысында бір жасар бала мен оның анасы қар құрсауынан құтқарылды, деп хабарлайды Zakon.kz.
4 қарашаға қараған түні Түйік ауылында жедел жәрдем көлігі ауа райының қолайсыздығынан тұрып қалды. Ол өздігінен қардан шыға алмады. Оқиға орнына облыстық ТЖД қызметкерлері аттанды.
Көлікте анасымен бірге бір жасар бала болған. Құтқарушылар оларды Кеген аудандық ауруханасына жеткізді. Баланың жағдайы тұрақты, – деп нақтылады ведомстводан.
Облыста 3-4 қарашада дауылды ескерту жарияланды.