Алматыда әл-Фараби даңғылында қоқыс таситын көліктің кабинасы өртенді, деп хабарлайды Zakon.kz.
Оқыс оқиға 5 қараша күні сағат 16:25-те орын алды.
1991 жылы шыққан "MAN" маркалы қоқыс таситын көліктің қозғалтқыш бөлігі мен кабинасының 4 шаршы метр аумағы өртке оранды, - деп хабарлады Алматы қаласы Төтенше жағдайлар департаментінен.
Өрттің шығуына қозғалтқыш бөлігіндегі электр сымының қысқа тұйықталуы себеп болған.
Өрт 16:53-те сөндірілді. Құрбандар мен зардап шеккендер жоқ, - деп хабарлады ведомстводан.
Құзырлы ведомство көлік құралдары иелеріне автокөліктердің техникалық жағдайын бақылауды, электр сымдары мен отын жүйесінің жұмысқа жарамдылығын жүйелі түрде техникалық байқаудан өткізуді, сондай-ақ кабинада өрт сөндіргіштің болуы қажеттігін ескертеді.