Павлодар облысында Kia Sorento автокөлігінің жүргізушісі тас жолда ер адамды қағып кетті, деп хабарлайды Zakon.kz.
10 қарашада сағат 03:15-те Павлодар–Омбы–Майқапшағай автожолының 389 шақырымында, Мичурин ауылының маңында 59 жастағы Kia Sorento автокөлігінің жүргізушісі 1991 жылы туған жаяу жүргіншіні қағып кетті.
ЖКО салдарынан жаяу жүргінші алған жарақатынан оқиға орнында көз жұмды, – деп хабарлайды Павлодар облысы Полиция департаментінің баспасөз қызметі.
Полиция қызметкерлері ер адамның белгіленбеген жерде жолдан өтпек болғанын атап өтті.
Автокөлік айып тұрағына тоғытылды. Тексеру жүргізіледі.
Бақытжан Отарбаева