Ақтөбе облысының тұрғыны жасөспірім ұлы жоғалып кеткенін айтып, полицияға хабарласқан. Алайда бірнеше күннен соң, жоғалды деген бала атасының үйінен табылды, деп хабарлайды Zakon.kz
15 қарашада Ақтөбе қалалық ПБ №4 қалалық полиция бөліміне Байғанин ауданының 40 жастағы тұрғыны көмекке жүгінген. Ол 16 жастағы ұлы ұрсысып, үйден шығып кеткенін айтқан. Жасөспірім қалалық колледждердің бірінде оқиды. Оқу үлгеріміне қатысты жанжалдан соң, жасөсіпірім үйден кетіп қалған, - деді Ақтөбе облыстық ПД.
Жедел-іздестіру тобы кәмелетке толмаған баланы іздеуге кірісті.
Белгілі болғандай, шешесімен ренжіскеннен кейін студент Байғанин ауданында тұратын атасының үйіне тура тартыпты, – деп толықтырды ведомстводан.
