19 жастағы бойжеткен полицияға арызданып, өзінің атына несие рәсімделгенін айтқан, күдікті ұсталды, деп хабарлайды Zakon.kz.
Тараз полиция басқармасына 19 жастағы жергілікті тұрғын хабарласып, жас жігіттің алдап, оның атына несие рәсімдегенін хабарлады.
Келтірілген шығын 1 млн теңгені құрады.
Оқиға 2021 жылдың наурыз айында болған.
Жедел-іздестіру шаралары барысында Тараз полиция басқармасының криминалдық полиция қызметкерлері Жамбыл ауданының 23 жастағы тұрғынын ұстады. Ұсталған азамат кінәсін мойындады. Аталған факті бойынша ҚР ҚК 190-бабы, 1-бөлігі "Алаяқтық" бойынша сотқа дейінгі тергеу жүргізілуде. Жамбыл облысының ПД
Бұл қылмысты жасағаны үшін ҚР ҚК бойынша қылмыскердің мүлкі тәркіленіп, екі жылға дейінгі мерзімге бас бостандығынан айыру түріндегі жаза кесу көзделген.