Қазақстандықтарды 263 млн теңгеге алдап кеткен жалған банк басшысы Петерборда ұсталды, деп хабарлайды Zakon.kz.
Қарағанды полициясына 2019 жылы алданған азаматтардан арыз түскен. Зерттеу барысында белгілі болғандай, алаяқ өзін банк басшысы ретінде таныстырып, инвестициялық бағдарламаға салым салу үшін ақшаны жымқырған.
Ол салымшыларға салынған соманың 1% түріндегі дивидендті күнделікті төлеп тұруға уәде берді.
"Инвесторлар" жинаған ақшаларын алаяқтың қолына өздері ұстатқан, сол үшін орнына кепілдік хаттар алған. Бастапқыда пысықай жігіт кейбірінің күнделікті берешегін төлеп тұрады, кейіннен хабар-ошарсыз кетеді.
Жәбірленушілерге келтірілген залалдың мөлшері 263 млн теңге.
Аталған факті негізінде полицейлер ҚР ҚК 190-бабы "Алаяқтық" бойынша қылмыстық іс қозғайды. 31 жастағы күдікті сотқа дейінгі тергеу барысында қылмыстық қудалау органдарынан қашып кеткен.
Көп ұазамай ол Санкт-Петербург аумағында құрықталды. Қазір Ленинград облысының изоляторларының бірінде қамауда отыр. Алаяқты Қазақстанға экстрадициялау мәселесі шешілуде. Қарағанды облысы ПД бастығының орынбасары Әбіл Әбілдин
