Степногорск қаласында ер адам ІІ-топтағы мүгедек ағасының ақшасын ұрлап алған, деп хабарлайды Zakon.kz.
Қала полициясына жергілікті тұрғын хабарласып, ағасының картасын біреу ұрлап алғанына, одан 100 мың теңгеден астам ақша шешілгеніне шағымданды.
Карта иесі ауруханалардың бірінде емделіп жатқан. Жазылғаннан кейін шоттағы жәрдемақысын шешіп алмақшы болады. Алайда банк оның шоттында ақша жоқ екенін айтады.
Жедел-іздестіру шаралары барысында күдікті анықталды. Степногорск қаласының 29 жастағы тұрғыны ағасының картасының PIN-кодын білгендіктен, оны ұрлап, ақшаны жұмсап тастағанын мойындады.
Аталған факті бойынша сотқа дейінгі тергеу басталды.