Батыс Қазақстан облысында аң аулау кезінде БҚО Орман шаруашылығы және жануарлар дүниесі аумақтық инспекциясы бөлімінің басшысы Серік Мәженов көз жұмды. Полициядағылар оқиғаның егжей-тегжейін баяндады, деп хабарлайды Zakon.kz.
"Мой город" басылымының мәліметінше, 14 желтоқсанда сағат 7: 30-да Теректі ауданы Ақжайық ауылынан 15 шақырымдағы Бударин қорығында үш ер адам аң аулап жүрген.
44 жастағы ер адам қаруды қайта оқтау кезінде абайсызда оқ атылып, ол 1977 жылғы ер адамға тиген. Олар зардап шегушіні өз беттерімен Ақжайық кентіндегі ауруханаға жеткізді. Аталған факті бірыңғай тізілімге тіркеліп, ҚР ҚК 104-бабы, "Абайсызда кісі өліміне әкеліп соқтыру" бойынша сотқа дейінгі тергеу басталды. БҚО полициясы
Тиісті сараптамалар тағайындалып, тергеу әрекеттері жүргізілуде.
Экология министрлігі Серік Мәженовтің туыстары мен жақындарына көңіл айтты.