Polisia.kz порталының мәліментінше, жол апаты 16 желтоқсанда сағат 14:00 шамасында Жамбыл ауданы Жаңақұрылыс ауылының батыс бағытының 58 шақырымында болды.
Chevrolet Cruze автокөлігін Еңбекшіқазақ ауданы Қайназар ауылының 26 жастағы тұрғыны айдап келе жатқан. Ол Алматы-Бішкек автожолымен келе жатқан ВАЗ-21063 автокөлігіне соғылды. Ол көліктің рөлінде 59 жастағы Сарыбастау тұрғыны отырған.
Апат салдарынан Chevrolet Cruze автокөлігінің жүргізушісі мен жолаушы болып келе жатқан Алматы қаласының 30 жастағы тұрғыны 9 айлық баласымен ауруханаға жеткізілді.
Ал Алматы қаласының 47 жастағы тұрғыны оқиға орнында көз жұмды. Бала алған жарақатынан емдеу мекемесінде екі сағаттан кейін қайтыс болды.