Қазірге дейін арнайы операция барысында 127 қару, әртүрлі калибрлі 2800 патрон, сондай-ақ басқа да оқ-дәрілер мен арнайы техника тәркіленген. Қажетті тергеу амалдары жүргізіліп жатыр.
Лаңкестік топтар бір мезгілде 7 қару-жарақ дүкенін басып алып, ондағы қару-жарақ пен оқ-дәрілерді иемденген.
Барлығы 1347 қару ұрланған, соның ішінде: 501 мылтық, 807 тегіс ұңғылы және 39 газ-травматтық қару.
Қалада «102» жүйесі қалпына келтірілді, патрульдік нарядтар азаматтардың әр сигналын мұқият тексеріп, қоңырауларға жауап беріп жатыр.
Қалалық ДП басшысының айтуынша, Алматыда жағдай тұрақтанды, коммуналдық нысандардың жұмысы қалпына келтірілуде.
Мәжбүрлі шектеулерге шыдамдылық танытуды сұраймын, әсіресе антитеррорлық операциялар жүргізіліп жатқан аймақтарда сабырлық танытып, сақтық шараларын сақтауға шақырамын. Арандатушылыққа бой алдырмай, барлық күдікті фактілер мен адамдарды полицияға хабарлаңыз, сол арқылы сіз қаламыздағы тәртіпті қалпына келтіруде құқық қорғау органдарына көмектесе аласыз.Алматы қалалық полиция департаментінің бастығы Қанат Таймерденов
