Мемлекеттік хатшы Ерлан Қарин «Хабар 24» телеарнасына берген сұхбатында, 20 желтоқсанда бір мезгілде Қазақстан аумағына бір топ шет ел азаматтарының келуі тіркелгенін, олар 7-8 қаңтарда түрлі бағытта елден шықпақ болғанын мәлімдеді.
Сонымен қатар, арнайы қызметтер еліміздің ішінде әрекет еткен бірқатар радикал және экстремистік ұйым мүшелері соңғы оқиғаларға қатысу дерегін анықтады. Шетелдік террористік ұйымдардағы қазақстандық радикалдардың бұл оқиғаларды пайдаланып, жаңа шабуыл жасау әрекеті болды. Бұл әрекеттерді арнайы қызмет дер кезінде басып тастады. Мемлекеттік хатшы Ерлан Қарин
Мемлекеттік хатшының айтуынша, республикадағы тәртіпсіздікті сот экстремистік деп таныған ұйымдардың бірі ұйымдастырған.
Сот таныған экстремистік ұйымдардың бірі осы шерулерді, тәртіпсіздіктерді, ашық түрде зорлық-зомбылық әрекеттерін, әкімшілік ғимараттарды басып алуды тудырды. Мемлекеттік хатшы Ерлан Қарин
