Бұл туралы «ҚазАвтоЖол ҰК» АҚ және «Қазақавтодор» ЖШС Алматы облыстық филиалдарының есебіне сілтеме жасап, Алматы облысы Төтенше жағдайлар департаментінің баспасөз қызметі хабарлады.
18 ақпанда сағат 09:00-ден бастап ауа райы жағдайының нашарлауына байланысты (күшті боран, жол көрінбеуі) республикалық маңызы бар Үшарал – Достық тас жолында (84-тен 184 шақырымға дейін – Көктұма ауылы – Достық ауылы) көліктің барлық түрі үшін қозғалыс жабылды, – делінген хабарламада.
Алматы облысының Төтенше жағдайлар департаменті азаматтарға осы бағытта жол жүруден бас тартуды және 112 қызметі таратқан SMS хабарламаларды назардан тыс қалдырмауды өтінді.
Ұзақ сапарға шыққанда ауа райы болжамын тексеріп, экстремалды жағдайларда көмектесетін барлық қажет затты өзіңізбен ала жүріңіз. Олар: үрлеу шамы, кабель, дөңгелектерге арналған шынжыр, күрек, парафин шырағы, сонымен бірге жылы киім, тамақ және су. Қарлы боран немесе қатты аяз кезінде көлігіңіз елді мекеннен алыс жерде немесе сізге бейтаныс жерде тоқтап қалса, көлікте қалғаныңыз жөн. Жол бойымен басқа көлік өткенін күтіңіз немесе «101» және «112» байланыс нөмірлеріне қоңырау шалыңыз.Алматы облысы Төтенше жағдайлар департаменті
Бұған дейін Төтенше жағдайлар министрлігі қала шетінде тас жолда, әсіресе қыс мезгілінде болатын келеңсіздіктерге қалай дайындалу керек екенін айтқан еді.